Таэквондо ва спорт фаолияти

Декан Рахимов Владимир Шавкатович
Декан,
Қабул Чоршанба-Шанба, 15:00 - 17:00
Манзил Тошкент шаҳри Талабалар шаҳарчаси Университет кўчаси 4- уй
Телефон (0 371) 246-18-02
Факс
e-mail vladimir.raximov@list.ru
Ўзбекистон Республикасида мамлакатни модернизация қилиш ва ҳаётнинг барча соҳаларини эркинлаштириш мақсадида устувор йўналишлар бўйича кенг кўламли ишлар олиб борилмоқда.
Мамлакатимизда бундай устувор йўналишлар қаторига таълим соҳаси, хусусан, жисмоний тарбия ва спорт соҳасининг ривожланиши ҳам киради. Мазкур йўналишнинг асосий вазифалари қуйидагича:
 аҳолининг кенг қатламларини спорт билан шуғулланишга ва соғлом ҳаёт тарзини олиб боришга жалб қилиш; 
ёшларни жисмоний тарбия ва спорт билан мунтазам равишда шуғулланишлари учун замонавий шароитларни яратиш;
 ёшларда спорт орқали ўз кучи ва имкониятларига ишончни мустаҳкамлаш, ёш авлодда ватанпарварлик ҳиссини шакллантириш; 
 тизимли равишда иқтидорли ёш спортчиларни аниқлаш ва танлаб олиш ва асосийси, жисмоний тарбия ва спорт соҳасида юқори интеллектуал ва чуқур билимга эга мутахассисларни тайёрлашдан иборатдир.
Ўзбекистон Республикаси Президенти Шавкат Мирзиёев 2017 йил 10 август куни Халқаро Таэквондо (WTF) федерацияси президенти Чо Чунг Вонни қабул қилди. Учрашув давомида икки томонлама ҳамкорликни йўлга қўйиш, Ўзбекистонда йирик халқаро турнирларни ташкил қилиш масалалари муҳокама қилинди. 
 


2017 йил 16 ноябрда Ўзбекистон Республикаси Президенти томонидан “Мирзо Улуғбек номидаги Ўзбекистон Миллий университети таркибида “Таэквондо ва спорт фаолияти” факультетини ташкил этиш тўғрисида”ги қарор имзоланди ва қарорнинг ижроси сифатида 2018 йил 8 августда Ўзбекистон Миллий университети таркибида таэквондо ва спорт фаолияти факультети ташкил этилди.
Асосий мақсад – таэквондонинг келгуси ривожи ва таълим йўналишлари бўйича спорт кадрларини тайёрлашда жаҳоннинг етакчи тажрибаларини қўллаш орқали юқори малакали тренер ва ўқитувчиларни тайёрлаш тизимини такомиллаштириш.

БИЗНИНГ БУРЧИМИЗ

Фуқаролик позицияси, маънавий сифатлар, масъулият ҳисси, қарорларни қабул қилишдаги мустақиллик,  ташаббускорлик, бағрикенглик, жамиятда муваффақиятли ижтимоийлашув қобилияти, жисмоний тарбия ва спортнинг турли шакллари, воситаларини, нафақат спорт фаолиятида, балки кундалик турмушда ўз ва яқинлари, оиласи   ҳамда меҳнат жамоасининг яхши ҳаёт ва самарали касбий фаолияти учун соғлигини сақлаш ҳамда мустаҳкамлаш сифатларига эга бўлган шахс дунёқараши ва маданиятини шакллантириш.
  
         

  


Факультетнинг асосий вазифалари

  • Таэквондо бўйича назарий ва амалий тайёргарлик методларини ўзлаштирган юқори малакали тренер ва ўқитувчиларни тайёрлаш;
  • таълим соҳасида энг илғор тажрибаларни қўллаш орқали юқори малакали маҳаллий ҳамда хорижий амалиётчилар ва тренерларни ўқитиш жараёнига жалб қилиш;
  • профессионал спортчиларни тайёрлашга қаратилган замонавий ўқув дастурлари ва методларини ишлаб чиқиш;
  • таълим ва тайёрлашнинг барча даражаларида инновацион методларни жорий этишга қаратилган чуқур илмий тадқиқотлар ўтказиш;
  • мавжуд ўқув-методик, моддий техника базасини комплекс мустаҳкамлаш ва ҳар томонлама такомиллаштириш, спортчиларни тайёрлашнинг сифатли янги босқичини таъминловчи педагогик технологияларни, ўқув жараёнига замонавий техник воситаларни жорий этиш;
  • талабаларнинг назарий ва амалий билим даражасини ошириш, соғлом турмуш тарзи кўникмаларини шакллантириш. 

ФАКУЛЬТЕТ БУГУНГИ КУНДА

Бугунги кунда факультетда 2 та кафедра фаолият юритмоқда: 

  • Таэквондо ва спорт фаолияти
  • Жисмоний тарбия ва спорт

Факультетнинг профессор-ўқитувчилар таркиби:

Факультетда 20 та ўқитувчи ишламоқда (17 та асосий ва 3 та ўриндош)

Таълим йўналишлари:

  • 5610518 – Спорт фаолияти (Таэквондо (WTF))
  • 5610700 – Спорт тадбирларини ташкил этиш ва бошқариш (кундузги ва сиртқи таълим) 

Бакалавриатда ўқиш муддати 4 йил. Машғулотлар 2 тилда – ўзбек ва рус тилларида олиб борилади.

Талабаларнинг умумий сони:

2018-2019 ўқув йилида бакалавриатнинг икки йўналиши бўйича таълим олувчиларнинг миқдори 108 нафар талаба.
       





     

Факультет талабалари қаторида –  3 нафар халқаро тоифадаги спорт устаси, 13 нафар Ўзбекистон спорт усталари, 10 нафар спорт усталарига номзод (уларних орасида: Жаҳон, Осиё ва Ўзбекистон Республикаси ғолиб ва совриндорлари, ҳамда Олимпия, Паралимпия, Осиё ва Пара Осиё ўйинлари иштирокчи)лари бор.
    
 











ФАКУЛЬТЕТНИНГ ЭНГ ҚИЗИҚАРЛИ ОБЪЕКТЛАРИ

Таълим дастурларини амалга ошириш учун факультет ихтиёрида қуйидагилар мавжуд:

  • ўқув аудиториялари;
  • махсус спорт заллари (спорт ўйинлари, гимнастика ва якка кураш, аэробика ва соғломлаштириш жисмоний тарбияси ва тренажёр заллари);
  • текис очиқ спорт иншоотлари (ЎзМУ стадиони);
  • ёзги мини-футбол майдончалари;
  • бассейн “Сузиш маркази”.


КАСБИ БЎЙИЧА ИШГА ЖОЙЛАШИШ ИСТИҚБОЛЛАРИ

Факультет талабалари ким бўлиб ишлайди?

Жисмоний тарбия ўқитувчиси; тренер; спорт менежери; спорт/жисмоний ишларни ташкиллаштириш бўйича методист ва б.қ. Кўрсатиб ўтилган касблардан ташқари барча қобилият ва билимларини ишга солиб, карьера қилишга тайёр собиқ талабалар учун бошқа йўналишларда ҳам кенг истиқбол эшиклари очилади. Хусусий спорт клублари тренерлари, оммавий спорт тадбирларини ташкиллаштириш ва бошқариш бўйича мутахассислар катта маошли ҳисобланади.

ОММАВИЙ СПОРТ ТАДБИРЛАРИ

Бугунги кунда ЎзМУда 20 тадан зиёд спорт турлари ривожлантирилмоқда ва қуйидаги спорт бўлинмаларини такомиллаштириш йўлга қўйилган:
таэквондо (WTF), волейбол (эркак ва аёллар), футбол, кураш, енгил атлетика, шахмат, шашка, армреслинг, сузиш, мини-футбол, гандбол, баскетбол (эркак ва аёллар), юнон-рум кураши, эркин кураш, стол тенниси ва б.қ.
               
 



АЗИЗ ЎСМИРЛАР ВА ҚИЗЛАР!

Сизни Мирзо Улуғбек номидаги Ўзбекистон Миллий университетининг таэквондо ва спорт фаолияти факультетига ўқишга таклиф қиламиз.

Факультетда ўқишнинг асосий афзалликлари:

  • Малакали профессор-ўқитувчилар таркиби.
  • Алоҳида ўқув биноси. 
  • Факультет замонавий техник воситалар билан жиҳозланган.
  • Талабаларнинг турар жойи ўқув биноси ёнида жойлашган.
  • Мутахассисликлар бўйича спорт фанлари машғулотларини ўтказиш учун факультетнинг замонавий моддий базаси мавжуд бўлиб, қуйидаги спорт турлари бўйича: баскетбол, волейбол, футбол, сузиш, енгил атлетика, яккакураш, стол тенниси, тош кўтариб бажариладиган ва бошқалар. 
  • Танланган спорт тури бўйича талабаларни камолга етказиш учун энг мақбул шароитларнинг мавжудлиги. Юқори малакали спортчи-талабалар индивидуал жадвал асосида ўқишга қатнаш, ўқув машғулотларига бирлаштирган ҳолда турли даражадаги  танловлар ва спорт мусобақаларига мунтазам қатнашиб бориш имкониятига эга бўлади.
  • Таэквондо, жисмоний тарбия ва спорт, менежмент, жисмоний маданият ва бошқа соҳалар назарияси ва методикаси доирасида сифатли таълимга эга бўладилар.
  • Таълим жараёнига Ўзбекистон ва хорижий давлатларнинг етакчи мутахассислари жалб этилади.
  • Спорт карьераси ва таълим олиш бирлигининг максимал имкониятлари.
  • Республика ва хорижнинг энг яхши спорт муассасаларида амалиёт ўтилиши.
  • Миллий терма жамоаларда спорт турлари бўйича стажировка имконияти.
  • Иқтидорли талабаларнинг ўқув, илмий-тадқиқот амалиёти ва стажировкаси Корея Республикасининг етакчи олий таълим муассасаларида ўтилиши.

Сизларни факультетимизда кўришдан мамнунмиз! 

 

Бизнинг ҳамкорлар:

  • Данкук университети (Жанубий Корея); 
  • Ёнг ин университети (Жанубий Корея);
  • Бутунжаҳон таэквондони тарғиб қилиш жамғармаси (Жанубий Корея);
  • Куккивон аккадемияси (Жанубий Корея);
  • Ўзбекистон таэквондо (WT) ассоциацияси;
  • Чуваш давлат қишлоқ хўжалик академияси (Чебоксар, Россия Федерацияси) ва бошқалар.

Асосий кўрсаткичлар
1200 Профессор-ўкитувчилар сони
10500 Jami talabalar soni
3500000 ARM fondi
45 Ta’lim yo‘nalishlari